Pòt Pawòl PNH la,Gary Derosier Pote Yon Demanti fòmèl ak Enfòmasyon ki ta fè kwè ke se ajan BOID Ki tire Gaspard Maxo alyas TiMoyiz

Enspektè Gary Derosier demanti enfòmasyon ki ta fe kwe ke se Ajan BOID yo ki te Tire Gaspard Maxo alyas Ti Moyiz nan sware jou ki te 5 Novanm 2015 lan,nan Dèlma 33.

Enspektè a fè konnen ke,nan Kad arestasyon yo te fè nan zòn dèlma a,Gen youn nan Endividi yo,ki di ke Li te akonpanye Gaspard Maxo,se pandan Li menm avèk Maxo T'ap Tire wòch aprè KEP a,te fin pibliye rezilta eleksyon an. Epi pandan yo te Bloke la ri a,Y'ap Tire wòch epi Vit yon machin ki tap pase Kraze,epi Moun ki te nan machin nan Rale revolvè li,Li Tire epi se Gaspard Maxo ki Touche pa 2 bal,Youn nan tèt li,epi youn nan kou'l.

Enspektè a,tou pwofite pote presizyon pou popilasyon an,ki te kwè ajan BOID yo,se Bandi ki te nan prizon,donk misyon yo se te tire moun swa k'ap manifeste ou k'ap fè dezòd,enspektè a,di ke Ajan BOID yo se Tankou yon eksperyans,ki vle ranplase B.I.

Misyon yo se pou fè entèvansyon kote ki gen Gwo tansyon. Ajan BOID yo ki soti nan 24èm ak 25èm Pwomosyon PNH la,Ajan sa yo fòme nan Lekòl Nasyonal Polis.

Par Champagne Belfond

Back to home page