Yon rapèl sou tout nouvèl ki te fè plis aktyalite nan biznis mizik la sòti Janvye pou rive Desanm 2014

Janvier 2014
7 Janvier : Nu Look akonpli plis gwo bagay san Gazman, se deklarasyon Mayestwo Arly Larivière te fè nan emisyon Mardi Alternatif. Deklarasyon sa telakoz anpil diskisyon nan emisyon sa. Mayestwo te menm rive kraze youn nan kas Radyo a.
17 Janvier : Ti Reggi rekomnse jwe avèk Djakout #1 nan yon prestasyon ke gwoup la tap fè nan Little Haiti. Ti Regi te pase anpil mwa li pat jwe ak Djakout akoz li te malad.
21 Janvier : Nan yon entèvyou Gazman te bay Radiobiznispam.com li te di Arly se yon gwo kibòdis men li pap janm ka fè travay yon chantè ap fe devan yon gwoup.
23 Janvier : Kenny Desmangles te anonse li pral kòmanse Travay sou premye albom solo li a.
29 Janvier : Bandi te tire sou O-Gun youn nan chantè gwoup Team Lobey

Fevrier 2014
4 : Komite Kanaval la te devwale lis tout gwoup ki pral patisipe nan kanaval Gonayiv la.
14 : Nu Look te pèfome sou plas Bwaye nan okazyon fèt Sen Valantin
14: Jbeatz te sòti dezyèm albòm li an ki rele One More Day.
15 : Separasyon ant Dream Promo et Arly Larivière
14 : Klass te jwe ansanm avèk Strings nan Ritz Kinam II
22 : Gwo deblozay pete nan yon bal Klass tap jwe nan vil Orlando.
26: Ansyto Mercier fè yon kriz tansyon pandan li te nan repetisyon Kreyol La
26 : Sean Kingston te vin pèfome an Ayiti
28 : R-Bass ansyen chantè Brothers Posse avèk gwoup Tru Rasta Mouri

Mars 2014
Soti 3 pou rive 5 Mas : Se te kanaval nasyonal nan vil gonayiv
8 Mas : Dola Mizik te fè premye prestasyon l nan Ayiti nan Djoumbala avek Djakout #1 nan Okazyon 5 ans emisyon Madi Altènatif .
10 Mas : Carimi te revoke ti Joel batè gwoup la pou koz endispline
10 Mas : Gwoup Bel Plezi voye yon lèt ouvri bay Direktè ticket Magazine, Mr Frantz Duval pou te revandike kont ticket ki te mete yon nan kategori Desepsyon nan Kanaval gonayiv la
12 Mas : Gwoup Le Konpa te pibliye yon lèt
17 Mas : Manman Pipo Mouri nan Monreyal Kanada
16 Mas : HMP (Haiti Musique et Perspective) te remet yon plak donè ak gwoup Anbyans pou bel prestasyon yo te fè nan Kanaval Gonayiv la.
18 Mas : Dabenz anonse li retounen nan System Band
20 Mas : Pipo te mete yon nòt de près deyò pou remesye tout moun ki tap sipòtel pandan lanmò Manmanl.
21 Mas : Carimi te al pase nan Festival Bogota Kreyol nan Peyi Kolombi
26 Mas : Kreyòl La anonse Koki kòm nouvo Kibòdis ki ta pral ranplase Ansyto Mercier Père nan Kreyol La.
28 Mas : Carimi te patisipe nan Festival Palmundo nan Peyi Hollande

Avril 2014
1er Avril : Dosye Bel Kòd Klass/ T-Vice. Bèl Kòd di Mesye T-Vice yo te tchekel pou li vin nan Jazz la, Roberto ak Reynaldo te demanti enfòmasyon sa a, yo di se Bèl kòd ki te mande yo pou li vin nan t-vice paske li pa alèz nan Klass
2 Avril : Ti Ansyto ak Vladimir Alexis demisyone nan Kreyol La
3 Avril : Kreyol la sòti yon nòt de près ladann yo aksepte demisyon 2 mizisyen yo
3 Avril : David Dupoux deklare nan yon entèvyou ke li pa enterese pou li ale nan Kreyol La.
5 Avril : Se te La Nuit des jeunes, yon evenman mizikal ki fèt chak ane nan New York. Ane sa te gen Carimi, Harmonik, 5 lan, Klass ki te pase. Malerezman se te yon echek ane sa.
6 Avril : Jaz entreprise te mete deyò yon nòt pou la près ladann yo tap eksplike echèk La Nuit des Jeunes.
6 Avril : K-Zino te fè premye prestasyon li a Paris nan Palacio Club
12 Avril : Carimi te fè yon gwo concert nan Zenith à Paris kote yo te preske ranpli Zenith lan.
16 Avril : Kreyol La sòti yon nòt pou laprès ladann yo deside fè wout la san Ti Ansyto, e tou anonse Bouzi kom nouvo Kibòdis gwoup, ak Kòm nouvo batè gwoup la.
17 au 19 Avril : Se te 7eme edisyon Festival Destination Aquin nan Vil Aquin
20 Avril : Belo te al patisipe nan emisyon « Vivement Dimanche » yon emisyon ki fèt sou TV5 Monde, nan emisyon sa Belo te entèprete mizik ki rele « Vann dlo » ki sou dènye albòm li an ki rele « Natif Natal »
20 Avril : Alan Cave te fè vant siyati dènye albòm li an ki rele « Timeless »
30 Avril : Carimi te patisipe nan Festival St Lucie Jazz and art ki te dewoule nan peyi Ste Lucie

Mai 2014
8 Mai : Kreyol La anonse Fabrice Fombrun kòm Nouvo kibòdis ki ta pral ranplase Ti Ansyto nan gwoup la.
13 Mai : Anbyans te prezante bay laprès nan Hotel EL Rancho premye albòm yo a ki rele « Bon Ti Bagay »
13 Mai : Bandi ak Zam touye Yves Chery (Boukman) manadjè gwoup K-Dans pandan li t’ap rantre Lakay nan Fontamara.
14 Mai : Jashoua Bon chwa kite 5 Etwal yo ranplase li par Prince Rocher.
17 Mai : Dewoulman Haitian Compas Festival ki te fèt nan Sun Life Staduim kote gen anpil gwoup ki te patisipe tankou : Boukman Eskperyans, Zenglen, Kreyol La, Barikd Crew, Nu Look, Klass, Kassav, Tabou Combo, T-vice, Carimi, epi Djakout #1 ki te fèmen festival la.
22 Mai : Fabrice Fombrun sòti yon nòt pou laprès ladann li te anonse li bay Kreyol la Vag.
25 Mai : Ansyen mizisyen Edner Couloute ki te DP Express ak Digital Music Machin mouri.
27 Mai : Pouchon Duverger Konfime li pral poze kandida pou depite vil Kavayon.
31 Mai : Suav Mizik te fè vant siyati dènye albòm yo a ki rele « Garanti » nan Mocca Cafe Miami.


Juin 2014
1er Juin : Kreyol La te demare ak yon seri de aktivite chak Dimanch nan Match Box Petyon Vil
2 Juin : Shoubou chantè Tabou Combo a, te subi yon operasyon chirijikal akoz li tap soufri ak yon èni.
3 Juin : Mac D te sòti yon lèt kote li te anonse l’ap kite Harmonik akòz movèz gestion Nivens ki se managjè gwoup la.
4 Juin : Manb Fondatè Harmonik yo, nou vle pale de Sanders avek Nickenson Prud’homme te deside revoke Nivens.
6 Juin : Mac D sòti yon lòt nòt pou li di li pap kite Harmonik ankò.
11 Juin : Gabel te prezante bay laprès an Ayiti dènye albòm yo a ki pote non « Anyen pa Etenèl » nan Hotel HN El Rancho.
11 Juin : 5 Etwal te prezante bay laprès an Ayiti dènye albòm yo a ki pote non « New Chapter » nan Club Cafe Trio
15 Juin : 4 Mamb 5 Etwal (Rocher, Ti Lunet, ti Wes ak Ti Blanc) te blese nan yon aksidan machin ki te fèt nan Ri Rebeka pandan bandi ak zam te louvri katouch sou machin nan.
25 Juin : Nu Bel te prezante bay Laprès an Ayiti dènye albòm yo a ki rele « Kole sou Mwen » nan Hotel El Rancho.

Juillet 2014
1er Juillet : Komite kanaval dèflè a devwale lis tout gwoup ki te defile nan kanaval dèflè ane sa a.
2 Juillet : T-Micky sòti sou entènet dènye albòm li an ki rele « Atache ».
11 Juillet : Marco kite Bel Plezi / Yo mete Marco deyò nan Bel Plezi.
16 Juillet: Responsab Bel Plezi yo ranplase Marco par Abed Nego ki se ansyen chantè gwoup Trankil
18 Juillet: Anbyans fann an 2. Okyjems ak rès mizisyen yo eksepte Papouloute Marie Junnelle, al fè Anbyans Tet Dwat, yo Kite Anbyans Vakann pou Mayestwo doudou avek Manager Manno.
19 Juillet : Nu Bel te fè vant siyati premye albòm yo a ki pote non “Kole Sou Mwen” nan Café Trio.
23 Juillet: Zenglen te demare avek toune li an Ayiti pou Ete a.
23 Juillet : T-vice te demare avèk toune li an Ayiti pou Eté a.
23 Juillet : System Band #1 te fe yon konferans pou lapres nan La Reserve Restaurant kote yo te anonse retou gwoup la nan mache mizikal Ayisyen an.
23 Juillet : Djakout ak T-Vice te menase yo pap sòti nan Carnaval des fleurs akoz lajan yo te ba yo a te two piti.
25 Juillet : Gabel te demare avèk toune li an Ayiti pou été a
25 Juillet : Ralph Menelas kite Le Konpa san okenn rezon.
26 Juillet : Se te 59 ans konpa direk la, jou sa Guy Wewe animatè Vision sou Konpa, sou radyo Vision 2000, te reyalize yon emisyon spesyal nan Cafe Trio sou 59 ans konpa direk la. Te gen anpil pèsonalite nan biznis mizik la ki te fè entèvansyon yo pami : Zigizag Zagalo, Fred Lizaire, Caleb Desrameaux, Francklin Thamar, Jean Dominique Beldor, Carel Pedre, Fredly Jean Baptiste, Ti Paul Demesmin.
Soti 27 pou rive 29 Juillet : Carnaval des fleurs nan Pòtoprens

Aout 2014
1er Aout : 5 Etwal fè premye prestasyon li an Ayiti anba gwo deblozay nan Cafe Trio.
1er Aout: Klass demare avèk toune li an Ayiti pou ete a.
2 Aout: T-vice te fete 23 zyèm anivèsel nan Wayoo Bay avèk Malerezman Lapli te gate fèt sa a.
3 aout: Carlos Vieux youn nan mizisyen gwoup Carimi te subi yon operasyon Chirijikal nan peyi St Thomas akoz li tap soufri ak yon apendisit.
3 Aout: Te gen Festival bikini nan Plage Publique / Te gen Fesitval bikini nan Plaj Bel Zanmi Grangwav.
4 Aout : Nu Look demare avèk toune li an Ayiti pou Eté a.
5 Aout : Carlos Vieux te poste yon mesaj pou tout moun ki sipòtel pandan li tap subi operasyon churijikal li a.
13 Aout : Carimi te demare avèk toune li an Ayiti pou Eté a
14 Aout : Harmonik te demare avèk toune li an Ayiti pou Eté a.
14 Aout : Djakout #1sòti mizik « Lod nan Dezod » la ak tout videyo’l.
17 Aout : Gwo deblozay pete nan yon festival nan vil ti Gwav kote te gen afrontman ant piblik la ak ajan UDMO ki tap sekirize festival la, anpil katouch te tire, anpil gaz te bay. Te gen anpil moun ki te blese pami yo te gen plizyè mizisyen.
22 Aout : Te gen Klass / Djakout #1 nan Djoumbala night Club.
24 Aout: Ti Joe Zenny te rankontre avèk Ti Ansyto nan emisyon Platfòm Magik sou Magik 9 kote 2 atis yo te fè foto ansanm.
25 Aout: Djakout #1 te lage sou entènèt la, yon videyo ki gen apèsu tout mizik kap sou albom “Lod Nan Dezod” la.
29 Aout: Te gen Klass/Nu Look nan Amazura, selon anpil moun ki te prezan Nu Look te pi byen pase nan bal sa ke Klass. (Se bal ki fe plis pale anpil pandan ane a)
29 Aout: Te gen gen Kreyol La/ Carimi nan Sob’s Manathan Nouyòk, se nan bal sa Carlos te fè retou li sou sènn avek Carimi apres Operasyon li te fin subi.
30 Aout : Festival Pre Labor day nan Nouyok, Nu Look se gwoup ki te pi byen pèfòme selon òganizatè yo, yo te bay responsab Nu Look yo yon chèk de $3000Us.

Septembre 2014
1er Septembre : Labor Day Carnaval sou Eastern Park Way New York . T-vice , Brothers Posse/ Tony Mix avek Rock Fam se gwoup ki te reprezante Ayiti nan Kanaval Sa a.
1er Septembre: Nan yon entèvyou ke Mayestwo Richie te bay nan Platfòm Majik sou Magik 9, Mayestwo Richie admèt Nu Look te fè plis enpak sou piblik la ke Klass nan Bal 29 Aout Amazura a.
4 Septembre: Arly Lariviere rele tèt li “King Arly” e li bay yon ansanm de edzijans pou Nu Look ta rejwe avèk Klass.
6 Septembre : Djakout #1 te prezante bay laprès an Ayiti dènye albòm yo a ki pote non « Lod nan Dezòd » prezantasyon sa te fèt nan Hotel Royal Oasis.
7 Septembre : Responsab 5 Etwal yo mete Wesly Paul (Ti Wes) deyò nan gwoup la.
25 Septembre: T-Micky prezante bay Lapres an Ayiti dènye albòm li an ki rele « Atache » . Prezantasyon sa te fèt nan Hotel Royal Oasis.
27 Septembre: Bal Revanj Klass / Djakout la te fèt nan Oasis Club ki nan Bocca Raton, selon anpil zanmi jounalis ki te prezan youn nan gwoup yo pat bat lòt.
28 Septembre: Brutus anonse Reginald Cange kòm nouvo mayestwo gwoup Zenglen.

Octobre 2014
1er Octobre: Pouchon Duverger joure animatè Visyon sou Konpa a Guy Wewe akoz Guy Wewe te di nan Bal Djakout / Klass ki te fèt nan Oasis Club Bocca Raton nan pat gen youn nan gwoup yo ki te bat lòt, men de preferans se mizik Ayisyenn nan ki te bat.
2 Octobre: Guy Wewe pran desizyon pou li pa janm jwe mizik Djakout #1 nan emisyon’l ankò.
5 Octobre: Vòlè Kase Bus Tropicana, yo pote ale tout sa yo jwenn ladann. Evenman sa pase pandan Tropicana tap jwe yon graduation nan Djoumbala sou wout frère a.
7 Octobre: Nan emisyon platfòm majik sou Magik 9, Shabba mande Guy Wewe eskiz nan non Djakout #1
11 Octobre : Nu Look te fè yon gwo konsè a Paris nan Duck Pullmon kote anpil moun te fè deplasman.
15 Octobre : Tropicana jwenn majorite nan malèt li te pedu yo sou yon pil fatra anndan Puit blain.
16 Octobre : Djakout #1 te fè vant siyati albòm « Lòd nan Dezòd » nan Hotel Kinam II, nan yon bal Djakout/Carimi. Jou sa tou te make 13 eme anivese Zigizag Production.
18 Octobre : Dano (Kibòdis) ak Esdras (Basis) kite Zenglen
20 Octobre : Bodo Ranplase Dano nan Zenglen, Yves Abel Ranplase Esdras nan Zenglen
25 Octobre : T-Vice te patisipe nan Festival World Creole Music Festival ki te fèt nan Peyi La Dominik.
27 Octobre : Klass te patisipe nan Festivl World Music Creole ki te fèt nan Peyi La Dominik.

Novembre 2014
3 Novembre : Kreyol La sòti yon nouvo mizik ki rele « Triye »
5 Novembre : Kreyol La sòti yon kominike de près kote yo te anonse gen yon mizik ki pral sou pwochen albòm yo a ki leak. Mizik la rele « Lanmou engra »
12 Novembre : jij Sonel Jean Francois voye yon let envitasyon bay Pouchon Duverger, kote li envitel nan Kabine enstriksyon pou li vin kesyone’l nan kad ankèt kap mennen sou prezime Kidnapè Sonson Lafamilia.
15 Novembre : T-vice mete Olivier Duret deyò.
17 Novembre : Olivier Duret ap eksplike nan yon nòt pou laprès Revokasyon’l nan T-Vice.
21 novembre : Ti Joe Zenny te subi yon operasyon nan je akoz li te gen yon kis ki tap devlope nan je goch li.
25 Novembre : Ansyto Mercier tounen an Ayiti.
26 Novembre : Djakout #1 jwe premye bal li nan Thanks Giving san Pouchon Duverger, Se Steeve Khe ki te kanpe devan djaz la pou kont li.
Soti 26 pou Rive 30 Novanm : Se te Thanksgiving nan Peyi Etazini, te gen anpil bal nan kominote Ayisyenn nan.
27 Novembre : T-Micky ranpòte pri « meilleur Collaboration nan Indies Live Music Awards » pou mizik li fè avèk Wyclef Jean an ki rele « Nou Pare ».
29 Novembre : Dano entegre disip kom Nouvo kibòdis gwoup la.
29 Novembre : Kenny Desmangles sòti 2 Nouvo mizik « Full Sevis » avek “My Pain”

Decembre 2014
5 Dec : Brutus anonse ke Reginald Cange pa Mayestwo Zenglen ankò.
7 Dec: T-Vice soti yon nòt pou laprès ladann yo anonse ofisyèlman Reginald Toussaint (Regimuzik) kòm nouvo chantè ki vin ranplase Olivier Duret nan gwoup la.
7 Dec: Belo ranpòte Pri World Citizen artist of the Year avèk mizik li a ki rele “Citizen of The World” ki sou dènye albòm li an.
9 Dec: Pouchon Duverger te prezante nan kabine enstriksyon akonpaye avek Avoka’l met Petit Homme, kote lit e al reponn kesyon Jij Sonel Jean Francois. Nan menm jou li pibliye yon mesaj sou rezo sosyo kote li remesye tout fanatik ki tap sipòte’l yo.
13 Dec: T-vice sòti 2 nouvo mizik. Yo’k pou pè avek NSA (No String Attached). Roberto Martino chante Yo’k pou pè e Regimuzik chante NSA. 2 Mizik sa yo sou nouvo albom live T-Vice la ki rele Reloaded.
15 Dec : Pouchon Duverger te rekòmanse jwe avèk Djakout #1 nan yon prestasyon ke gwoup la te al fè nan peyi Gwadloup, aprè Pouchon te fè plizyè semenn li pat jwe avèk Djakout akoz li tap jere yon pwoblèm familyal.
17 Dec: Kenny Desmangles prezante bay laprès an Ayiti premye albòm Solo li a ki pote non “Full Sevis”. Prezantasyon sa te fèt nan Café Trio.
19 Dec : Klass te demare avèk toune fen ane yo an Ayiti
19 Dec : Nu Look te demare avek Toune fen ane yo an Ayiti
19 Dec : 5 Etwal te demare avèk toune fen ane yo an Ayiti
19 Dec : Mizisyen 5 Etwal yo fè aksidan pandan yo sou wout yap rantre Pòtoprens aprè yo fin jwe yon bal nan vil Gonayiv.
19 Dec : JBeatz te demare avek Toune fen ane li an Ayiti
20 Dec : Harmonik te demare avek toune fen ane li Ayiti
21 Dec : Gabel te demare avek Toune fen ane li Ayiti
21 Dec : Disip te demare avèk toune fen ane li Ayiti
26 Dec : King Posse Flash Back nan Parc Historique de la Canne a sucre, yon pwogram ki malerezman pat gen anpil moun
26 Dec : Michel Martelly fè dezyèm prestasyon li avèk gwoup li Sweet Micky pandan ke li prezidan Peyi a.
29 Dec : Olivier Duret sòti yon videyo ladann li anonse ofisyèlman li se chantè gwoup Dat7.

Back to home page