Aprè demisyon’l nan gwoup Zenglen, Daniel Eugene (Dano) se aktyèlman nouvo kibòdis gwoup Disip. Dano ranplase nan pòs sa Bodo ki li menm se nouvo kibòdis ki ranplase’l nan Zenglen.

Nan kòmansman semènn ki sot pase a te gen yon reyinyon ki te fèt ant Gazman Couleur ak Dano sou kesyon entegrasyon’l nan Disip. Se Vandredi 28 Novanm nan deal la konklu ant Dano ak staf Disip la, menm jou a Dano tou jwe premye bal li ak Disip.

Not ofisyel Disip sou entegrasyon Dano nan gwoup la!

Miami, Floride, 29 Novanm, 2014 – Gazzman Couleur ak ekip jesyon diSip kontan akeyi Dano Eugène kòm klavyeris diSip. Se pa pou granmesi, tinon jwet Dano se “dwèt san zo”. Fey mizikal misye chaje ak bel melodi ak amoni. Yon mizisyen savé, Dano gin anpil talan pou jwe lot estil mizik, min mizik Konpa se fòs li.

Se avek detèminasyon, devouman ak disiplin ke Dano ateri nan fanmi diSip; li pote yon pèsonalite djanm. Ki pi bon moman ke epok Aksyon de Gras sila, pou entwodwi ofisyèlman Dano kòm jwè klavye diSip. L’ap komanse jwe avek diSip pou fèstivite Aksyon de Gras nan Floride, tanpri vizite sit entènèt diSip pou konnen kalandriye pwogram yo. Viktwa se Nou, Viktwa Pou nou!

Dano se nouvo kibòdis Disip
Back to home page